23 желтоқсан 2019

2019 жыл бойынша білім саласының бюджеті

Аудандық білім бөлімі бойынша 2019 жылға республикалық бюджеттен бөлінген қаражат 703 734,0 (жеті жүз үш миллион жеті жүз отыз төрт мың) тенге қаралып, толығымен орындалды. Орындалысы

100,0 пайыз.

Жергілікті бюджеттен  2019 жылға  қаралған қаражат 2 339 862,0 (екі миллиард үш жүз отыз тоғыз  миллион  сегіз жүз алпыс екі  мың) тенге, орындалысы 2 339 819,4 (екі миллиард үш жүз отыз тоғыз  миллион  сегіз  жүз он тоғыз  мың төрт жүз) тенге, орындалу пайызы 100.

Оқу құрал жабдықтар бойынша 122 283,0 (бір жүз жиырма екі миллион екі жүз сексен үш) мыңға 14 баспамен 76634 дана кітапқа  келісім шарт жасақталып толығымен төленді.

Оқу құрал жабдықтар тасымалдау бойынша «Казпочта»  акционерлік қоғамымен келісім шартқа 1262,5 (бір миллион екі жүз алпыс екі мың бес жүз) теңгеге отырды және толығымен орындалды.

Өнер мектебі бойынша 2019 жылға республикалық бюджеттен 12976,0 (он екі миллион  тоғыз жүз жетпіс алты мың) тенге қаралып толығымен орындалды.

Жергілікті бюджеттен 117 000,0 (бір жүз он жеті  миллион) тенге қаралып, толығымен төленді. Орындалу пайызы 100.

Жетім баланы және ата-аналарының қамқорлығынсыз қалған баланы күтіп ұстауға асыраушыларына 2019 жылға  қаралған 6 068,0 (алты миллион алпыс сегіз) мың қаражат қаралып толығымен орындалды.  Орындалу пайызы 100.

Патронат тәрбиешілерге берілген баланы асырап бағу  үшін патронат тәрбиешілер жалақысына, тамағына, киімдеріне 2019 жылға  қаралған 4244,0 (төрт миллион екі жүз  қырық төрт ) мың қаражат, орындалысы 4243,7 (төрт миллион екі жүз қырық үш мың жеті жүз) тенге 6 балаға төленді.

Түпқараған ауданы бойынша 2019 жылға арналған мектепке дейінгі тәрбие мен оқытуға мемлекеттік білім беру тапсырысы, ата-ана төлемақысының мөлшері.

Мектепке дейінгі тәрбие мен оқыту ұйымдарындағы бір айға арналған ата-ана төлемақысының мөлшері

3 жасқа дейін – 10 162,02 тг

3 жастан 7 жасқа дейін – 12 307,87 тг

Мектепке дейінгі тәрбие мен оқытуға мемлекеттік білім беру тапсырысы бойынша бір тәрбиеленушіге жұмсалатын шығыстардың 1 айдағы орташа құны.

Қала бойынша - 27 502,0 теңге

Село бойынша – 30 150,0 теңге