0

Түпқараған ауданы әкімінің кезекті аппарат жиыны өтті

Аудан әкімі Рахат Елтизаровтың төрағалығымен кезекті аппарат жиыны болып өтті. Жиынға аудан әкімінің орынбасарлары, дербес бөлім басшылары мен квазимемлекеттік мекеме басшылары қатысты.

Күн тәртібінде аудандағы білім беру ұйымдарының 2022-2023 оқу жылдарына дайындығы қаралды.

Аудандағы білім беру ұйымдарының 2022-2023 оқу жылдарына дайындығы туралы білім бөлімінің басшысы А. Утесбаева ақпарат беріп өтті.

«Балаларды сапалы мектепке дейінгі тәрбиемен және оқытумен қамту бағыты бойынша бүгінде 27 мектепке дейінгі ұйымда 2385 бала тәрбиеленуде. 3-6 жастағы балалар балабақшамен толық қамтылды. 2-6 жас аралығында мектепке дейінгі ұйымдармен қамту 73,5% болды (кезекте 1417 бала тұр). Осы мәселені шешу мақсатында биылғы жылы 225 орындық 3 жекеменшік мектепке дейінгі ұйым ашу жоспарланды (Сайын Шапагатов - 2, Форт-Шевченко-1). Бүгінгі таңда 150 орындық 2 жекеменшік балабақша ашылды (Сайын Шапагатов - 2). Жыл соңына дейін 75 орындық 1 балабақша ашылады» деді А. Өтесбаева.

Айбаршын Қуанышқалиқызы күндізгі мемлекеттік мектептердің жалпы санынан апатты жағдайдағы және үш ауысымды мектептердің үлесі бойынша да атап өтті.

- «Өткен оқу жылының аяғында 2 үш ауысымды мектеп болды. Биыл Сайын Шапағатов ауылдық округінен 130 орындық 1 жекеменшік бастауыш мектеп ашылады. (Бала саны -125. Сынып саны - 4). Оқушылар мемлекеттік тапсырыс арқылы тегін қабылданатын болады. Аудандағы 2 мектеп үш ауысымда оқытыла береді. Жалпы 2021-2025 жылдары Маңғыстау облысының кешенді жоспары шеңберінде ауданда 4 нысан пайдалануға беру жоспарланды. «Маңғыстау облысы Түпқараған ауданының Ақшұқыр ауылындағы М. Әбдіқалықов атындағы мектеп-гимназияны реконструкциялау және 300 оқушы орнына арналған оқу корпусын салу» бойынша ТОО ЕВРОСТРОЙ-А мекемесімен келісім шарт жасалды. Қазіргі таңда жұмыс басталды. Сайын Шапағатов ауылдық округінің 6 кварталынан 1200 орынға арналған жалпы білім беру мектебінің құрылысы басталды. Мердігер «Ондасын строй» ЖШС. Ақшұқыр ауылынан алдағы 5 жылда берілетін участоктар саны мен халық саны анықталды. Ақшұқыр ауылы әкімі аппаратының мәліметі бойынша 5 жылға халық саны 2250-ге, берілетін участок – 1000-ға көбейеді деп жоспарланып отыр. Халық саны көбейген жағдайда, елді мекеннен 2000 орындық мектеп салу қажеттілігі туындайды. Сонымен бірге, Форт-Шевченко қаласында 8236 халық бар. Алдағы уақытта 7 квартал, 900 участок беріледі деп жоспарлануда. Бұл учатоктар Форт-Шевченко қаласы, Жаңа кетік кварталынан 900 орындық 1 мектеп қажеттілігі туындайды»  - деді А. Утесбаева. 

Жиын соңында аудан әкімі Р. Елтизаров мәселелерді ескере отырып, қала, ауыл әкімдері мен бірқатар бөлім басшыларына бірнеше тапсырма жүктеп, тұрғындарға қызмет көрсетудегі сапаны арттыруды тапсырды.