6 сәуір 2021

Ауыл мектебінің кітапханасы әлемдік әдебиет жауһарларымен толықты

Ауданымыздағы Сайын- Шапағатов мектеп -гимназиясының директоры жақсы бастаманы бастады.

Мемлекет басшысы Қ.К.Тоқаевтың тапсырмасы бойынша БҒМ «Оқуға құшатр мектеп» жобасы бекітілген болатын. Осы жоба аясында көркем әдебиеттер тізімі бекітіліп, жоба аясында 4 бағытта жүзеге асу жоспарланған еді. Олардың қатарына еліміздің үздік классиктерінің кітаптары, ана тіліне аударылған шетелдік әлем әдебиетінің жауһарлары, сонымен бірге қазіргі заманғы ақын –жазушылардың кітаптары енетіндігі айтылған.

Бұл бағытта түпқарағандық Сайын-Шапағатов мектеп –гимназиясы жоспар жасақтап «Кітапханаға кітап сыйла!» акциясын бастады.

Акция аясында мектеп директоры Жансая Молдажанова өз меткебінің кітапханасына қажетті кітаптар тізімін алып, сол тізім бойынша интернет кітап дүкенінен табылған 5 кітапты тапсырыспен алдырып, мектеп кітапханасына тарту етті.

Олардың көбісі Нобель сыйлығын иеленген шетелдік авторлардың қазақ тіліндегі аудармалары: Габриель Гарсиа Маркестің «Жүз жылдық жалғыздық» романы, Орхан Памуктың «Менің атым Қырмызы» атты романы, әлемнің көптеген тілдеріне аударылған Халед Хоссейнидің «Жарқыраған мың күн» кітабы, сонымен қатар, Төлеген Меллаттың, белгілі балалар жазушысы Толымбек Әбдірайымның «Дала әуені» жинағы бар.

Мектеп директоры бұл іс-шараның жалғасы болу үшін мектеп ұжымына табыстады әрі мектеп ұжымы бұндай жақсы бастаманы қолдайтындықтарын бірден жеткізуде.
-Мекетеп кітапханасында көркем әдебиет саны 576, оның 200-ге жуығы балалар әдебиеті. Қазіргі уақытта оқырмандар саны 400 ге жақын. Президенттің бастамасымен қолға алынып отырған «Оқуға құштар мектеп» жобасы біздің кітапханадағы кітап қорының қазіргі заман және әлемнің үздік шетел әдебиеттерімен толықтырылуына мүмкіндік беріп отыр. Біз өз оқушыларымыздың кітап оқуға құштарлығын оятып, оқырмандарымыздың сұранысымен санасуды мақсат еткіміз келді. Бұл жоба арқылы мектеп ұжымы да үлес қосады, - дейді директор Жансая Молдажанова.

Түпқараған аудандық білім бөлімі