0

«Абайдың дара жолымен....» атты ақпараттық-танымдық сұхбат

2020 жылғы 21 ақпан күні  Ақтау қаласындағы  «Білім-инновация лицейінің» ғимаратында «Абай  әлеміне саяхат» республикалық  рухани орталығының іс-шаралар жоспарына сай,  Маңғыстау облысы білім басқармасы облыстық  оқу-әдістемелік және қосымша білім беру орталығының 20.02.2020 жылғы №20нқ бұйрығымен  ұлы ақын- Абай Құнанбайұлының 175 жылдық мерейтойына арналған «Абайдың дара жолымен....» атты  ақпараттық-танымдық сұхбат өтті.  Іс –шараны Түпқараған ауданы мектептерінің  «Абай әлеміне саяхат клубының» мүшелері мен ұстаздары ұйымдастырды.

Мақсаты: Қазақтың бас ақыны-Абай Құнанабавтың қазақ поэзиясындағы орнын таныту, ұрпақ тәрбиесі жөніндегі ой-толғамдарының  құдіретін сезінуге баулу, ұлттық өнердің өміршеңдігін насихаттау, оқушы бойына шығармаларындағы ой-пікірлеріндегі  сөз өнерімен өрнектелген әсемдікті түйсіне білуге баулып, адамгершілік рухани қасиеттерді сіңіру.

Аудан ұстаздары сұхбат өтетін залды М.Әуезовтің «Абай жолы» романы бойынша, Абай аулы көшінің  Бақанас өзенінің бойына қонатын  оқиғасы желісімен, қазақы нақышта  жабдықтады. Ақпараттық-танымдық сұхбатқа Ш.Есенов атындағы  Каспий мемлекеттік технологиялар және инжинеринг университетінің  профессоры  Қобланов Жоламан Таубайұлы және Семей университетінің түлегі, абайтанушы ғалымдардың көзін көрген Түпқарағандық ұстаз- Баймырзаев орта мектебінің қазақ тілі мен әдебиеті пәнінің мұғалімі Омарова Айгүл Жұмаханқызы қатысты. Сұхбатты Ақшұқыр мектеп-лицейінің қазақ тілі мен әдебиеті пәнінің мұғалімі, мектептегі  «Абай әлеміне саяхат» клубының мүшесі Арғынов Қосай Арғынұлы жүргізді. Өзгеше форматта өткен іс-шарада шақырылған қонақтар :

Абай дегенде сіздердің есіңізге қай шығармасы немесе қай философиялық толғамы еске түседі?

Қазақ қоғамын Абай арқылы тәрбиелеу, жас ұрпақтың санасын Абай сәулесімен нұрландырып, олардың «толық адам» болып қалыптасуы үшін нені білмек керек һәм кімнен ғибрат алмақ керек?

Ахмет Байтұрсынов айтқандай, «Абайды бүкіл қазақ білу керек, бірақ оның кейбір ойларын, кейбір сөздерін мың рет оқысаң да түсінбейсің» деп, Абайды білу қиын, десе де Абайды тану үшін, Абайды білу үшін жас ұрпаққа қандай нұсқау беруіміз керек?

Абайды толыққанды танып болдық деп айта аламыз ба?-деген сұрақтарға тұщымды жауаптар беріп, өз ойларымен бөлісті. Түпқарағандық жас ақындар Абай атасына жыр арнаса, жас дарындар Абай өлеңдерінен сайысып, жас өнерпаздар күйін шертіп, өнерлі ұстаздар әнін шырқады.

Ақпараттық-танымдық сұхбат соңы  облысымыздың өзге аудандары мен «Оқушы» орталығынан келген әріптестардың жылы лебіздері мен келелі пікірлеріне жалғасты. Шара соңында сөз алған «Түпқараған аудандық білім дамыту орталығының директоры»  Қанжан Гүлшат Тәуірханқызы  қатысушыларға іс-шараның мақсат-бағытын түсіндірсе, «Облыстық  оқу-әдістемелік және қосымша білім беру орталығының»  әдіскері Ибрашова Гүлзада сұхбат қонақтарына естелік кітаптар ұсынып, ұйымдастырушы